Drejtori i Policisë së Shtetit Ardi Veliu është takuar me Ministrin e Punëve të Brendshme Fatmir Xhafaj menjëherë pas daljes së lajmit lidhur me 3.4 milionë eurot e ardhura në Portin e Durrësit.
Veliu nuk ka dalë akoma në një prononcim për shtyp, por burime të brendshme për AlpeNews.al thuhet se drejtori i Policisë së Shtetit do të ketë shumë shpejt një paketë të plotë informacioni lidhur me të arrestuarit, çështjen, dhe makinat e sekuestruara që i takojnë tipit “Toyota Yaris”.
“Hetimet po shkojnë shumë mirë. Shpejt rezultatet“, – është shprehur Veliu.
Më përpara ditën e djeshme rreth orës 17:00 janë arrestuar shoferi i automjetit të mbërritur në Portin e Durrësit Agim Ceka, shoqëruesi i tij Klevis Çani, dhe pronari i kamionit ku gjendeshin dy makinat, Edi Çani.
Nga kërkimet e kryera del që dy personat e identifikuar me mbiemrin Çani figurojnë në QKB (qendrën e rrëgjistrimit të bizneseve) edhe me mbiemrin Lika.
/AlpeNews.al
