Problemet me të drejtën e pronës po japin një ndikim negativ dhe pengues për zhvillimin e turimit.
Nga pika turistike e Razmës ku mori pjesë në çeljen e sezonit turistik për zonat malore, përfaqësuesja e delegacionit të bashkimit Europian në Shqipëri Annelies Vanwymelbeke dha mesazhe të qarta se zgjidhja e çeshtjes së pronave është një kusht i panegociueshëm që vendi ynë duhet ta zgjidh.
Annelies Vanwymelbeke, perfaqësuese e BE: BE vlerëson se zhvillimi i qëndrueshëm i turizmit në Shqipëri pengohet nga çështja e pazgjidhur e pronave, diversifikimit të ofertës dhe mungesa e njohurive të duhura për tju përshtatur shërbimeve turistike.
Që të ketë turizëm të zhvilluar, ajo vuri theksin tek një tjetër problematike që ka Shqipëria, siç është ndotja e territorit.
Annelies Vanwymelbeke, perfaqësuese e BE: Më shumë kujdes duhet të bëni për të mbrojtur mjedisin dhe këto male të bukura, kontrollit të mjeteve dhe përfshirjen e qytetarëve në këtë synim.
Kryebashkiaku i Malësisë së Madhe Tonin Marinaj u ndal tek rëndësia që i është kushtuar zhvillimit turistik, pasi kjo njësi ka disa zona me potenciale të mëdha.
Tonin Marinaj, kryetar i bashkisë M. Madhe: Është realizuar plani i zhvillimit vendor ku të gjithë të interesuarit mund të investojnë në bazë të rregullave dhe ligjeve, qoftë në bujtina qoftë në hoteleri.
Gjithçka më pas i la vendin festës ku nuk munguan interpretimet e emrave të njohur të muzikës. Kjo festë është kthyer në traditë për zonën e Malësisë, ku moren pjesë drejtues vendorë dhe banorë të zonë
