Dhuna që ushtronte ish-bashkëshorti dhe gjendja e vështirë financiare e detyruan Lindita Malokajn, që të kërcënonte me vetëflijim. Më një qershor ajo tentoi të hidhej nga një godinë 5-katshe, në qytetin e Fierit.
Por situata për të mbetet e njejtë. Strehë për Linditën është spitali, ku ditën e gdhin në stolat e tij. Në shtëpinë që më parë përdorej si stallë kuajsh nuk guxon të kthehet pasi i frikësohet dhunës së ish-bashkëshortit
Lindita: Kam qenë në Vlorë 18 ditë dhe tani po kurohem për depresion. Kam marrë ilaçe për 2 muaj.
Jetesën e siguron duke mbledhur kanaçe.
Nënë e një djali 20 vjecar, Lindita ka vetëm një apel ndaj shtetit dhe ndaj atyre që mund t`i ofrojnë ndihmë.
Lindita: Sikur një garsonere të vogël asgjë më tepër. Absolutisht, asgjë më tepër vetëm për atë.
48 vjecarja thotë se ka tentuar disa hërë t`i jap fund jetës dhe nëse dikush nuk do t`i zgjasë dorën për ndihmë paralajmëron vetëflijim
Lindita: Dhe mund ta bëj, nëse unë nuk do të marrë një zgjidhje.
