Partia më e madhe opozitare greke i është rikthyer negociatave Athinë-Tiranë duke kërkuar sërish që marrëveshja e pritshme midis dy qeverive të diskutohet në parlament para se të nënshkruhet.
Shefi i Departamentit të Jashtëm të Demokracisë se re, Jorgos Koumoutsakos ka bërë një deklaratë të re të shtunën.
“Delimitimi i zonave detare me Shqiperinë dhe të drejtat e minoritetit kombëtar grek janë çështje madhore për t’ia besuar qeverise së Prespës “, ka thënë Koumoutsakos duke iu referuar marrëveshjes Athine Shkup që u nënshkrua javën e kaluar pranë liqenit të Prespes.
“Demokracia e re nuk do të pranoje të vihet serish para fakteve të kryera me pasoja negative. Kërkojmë urgjentisht informim dhe diskutim në parlament para nenshkrimit te marrëveshjes”, ka deklaruar deputeti i opozitës greke.
Mediat vendase i janë referuar edhe takimeve të kryeministrit Rama në Sarandë, ku ai deklaroi se Athina dhe Tirana janë shumë afër finalizimit të marrëveshjes
