Nga Vlora kryeministri Edi Rama prezantoi projektet e reja për këtë qytet. Kreu i qeverisë tha se ka transformuar të gjithë qytetin dhe se nuk ka më asnjë ankesë në telefonin e tij dhe as në rrjetin social Facebook.
“Nuk kam asnjë ankesë në telefon apo Facebook, nga Vlora, se i bllokuam nga Lungomare, jo po ku do lemë makinat. Ja vlejti sakrifica e bllokimit. Bulevardi do të jetë gati për sezonin e ardhshëm turistik. Do të jemi krenar për Vlorën”.
Rama tha se qeveria e tij ka financuar në 4 vite 130 milionë Dollarë për zonë e Vlorës.
“Kemi investuar në zonën e Vlorës 130 milionë Dollarë në 4 vite, e papërfytyrueshme kjo 4 vite më parë.
Për këtë periudhë 2018- 2020 kemi 57 projektet që do të financohen nga buxheti i shtetit, pa llogaritur projektet e tjera që nuk financohen nga shteti”.
