Ish-ministri i Brendshëm Saimir Tahiri po kthehet drejt Shqipërisë. “BalkanWeb” bën me dije se Tahiri po kthehet nga një linjë tranziti, ndërsa aktualisht ndodhet në Vjenë.
Po ashtu, “BalkanWeb” konfirmoi nga burime të sigurta se ish-ministri vizitoi babain e tij, i cili ndodhet në Gjermani pas një problemi shëndetësor.
Tahiri, ndonëse një person nën hetim nga Prokuroria e Krimeve të Rënda, pasi dolën në dritë përgjimet e grupit “Habilja” (të arrestuar për trafik droge në Itali) organi i akuzës nuk e ka parë të arsyeshme t’i bllokojë pasaportën. Ish-ministri udhëtoi drejt Gjermanisë dy ditë më parë, ndërsa ai kishte prerë një biletë vajtje-ardhje, ndërkohë që ishte parashikuar që të vinte mbrëmjen e djeshme në Rinas. Por Tahiri e shtyhu biletën e kthimit edhe një ditë, për të mbërritur sot.
