Goditja e parë e Lazios në merkaton e verës do të jetë një shqiptar.
Bëhet fjalë për mbrojtësin e Real Betis, Riza Durmisi që ka kryer vizitat mjekësore tek bardhekaltërit mëngjesin e sotëm dhe më pas të hedh të zezën mbi të bardhë.
Durmisi është një futbollist që aktivizohet në Spanjë prej dy vitesh, ndërkohë që në nivel kombëtaresh ka luajtur për Danimarkën. Kujtojmë që Durmisi është një nga lojtarët e shumtë shqiptarë që për shkak të joshjeve dhe kërkesave nga federatat e huaja kanë zgjedhur të përfaqësojnë një tjetër kombëtare, nga ajo kuqezi.
