Report Tv ka mësuar vendimmarrjen e Kolegjit të Posaçëm të Apelimit për Adriatik Llallën, i cili një javë më parë vendosi që ish-kryeprokurori nuk do t’i nënshtrohet Vettingut. Report Tv mëson se kanë qenë tre gjyqtarë të trupës gjykuese të KPA, që kanë shpëtuar ish-kryeprokurorin Llalla nga Vettingu.
Ina Rama, Ardian Hajdari dhe Luan Daci kanë votuar pro vendimit të Komisionit të Pavarur të Kualifikimit për t’i ndërprerë Vettingun Llallës, pasi ky i fundit u dorëhoq nga sistemi i drejtësisë.
Ndërkohë, kanë qenë dy gjyqtarët e tjerë, Sokol Çomo dhe Albana Shtylla, që kanë votuar pro kërkesës së Komisionerit Publik, që ish-kryeprokurori t’i nënshtrohet Vettingut.
