Gjatë ditës së nesërme do të ketë vranësira të dendura dhe rrebeshe në të gjithë Mesdheun, kryesisht Ballkani.
Po ashtu, me vranesira dhe shira me te dobet paraqiten ishujt Britanike.
Ndërsa pjesa me e madhe e Europes vijon me kthjellime dhe vranësira kalimtare.
Sipas MeteoAlb në Shqipëri paraditja vijon me kthjellime e vranësira të shpeshta; më të dendura pas mesditës në zonat malore ku pritet ketë rrebeshe të përkohshme shiu.
Por shira të izoluar do ketë në zonat qendrore ndërsa thuajse i gjithë bregdeti vijon me kthjellime dhe vranësira të shpeshta deri në mbrëmje kur kthjellimet shtrihen në të gjithë Shqipërinë.
Temperaturat e ajrit do të rriten lehtë në mëngjes dhe mesditë duke variuar nga 13 – 32°C.
Era do të fryjë e lehtë deri mesatare, me shpejtësi 30 km/h nga drejtimi Verior duke bërë që në det të krijohet dallgëzim 2 ballë.
Europa
Për ditën e hënë Juglindja e Europës vijon me shira të përkohshëm, po ashtu vranësira dhe rrebeshe të shkurtra shiu përfshijnë Perëndimin e kontinentit. Ndërsa moti kryesisht i kthjellët do të ndikojë Europën Veriore dhe verilindore.
Sipas MeteoAlb kthjellime dhe vranësira kalimtare do dominojnë territorin e Shqipërisë deri pas mesditës kur vranësirat fuqizohen në zonat malore duke sjellë shira të përkohshëm në Verilindje – Juglindje ndërsa shira të izoluar në zonat qendrore.
Orët e vona të pasdites largojnë gradualisht shirat nga zonat malore duke u lokalizuar në ekstremin Juglindor të vendit. Nga mbrëmja deri mëngjeisn pasardhës, moti paraqitet kryesisht me kthjellime.
Temperaturat e ajrit rriten lehtë në mëngjes dhe mesditë, më e ndjeshme në Ultësirën Perëndimore ku pritet maksimumi 33°C.
Era do të fryjë mesatare dhe shpeshherë deri e fortë, me shpejtësi 45 km/h nga drejtimi Verior ndërsa në det dallgëzimi ngjitet mbi 3 ballë
