Apple shtyn afatin e prezantimit të HomePod deri në vitin 2018.
Ishte deklaruar se HomePod do të ishte gati të shkonte në raftet e dyqaneve në SHBA, Britani të Madhe dhe Australi “në fillim të vitit 2018”.
Kjo paisje u zbulua për herë të parë në qershor të këtij viti kur Apple tha se do të shitet në SHBA për 349 dollarë. Në Britaninë e Madhe pritej të kushtonte £ 350.
Homepod është projektuar të jetë një konkurrent i pajisjeve të tjera të ngjashme- siç është Amazon Echo dhe Asistent i Google. Sonos, Microsoft etj.
Ashtu si ato, u projektua për të luajtur muzikë dhe për të vepruar si një ndihmës pa u dashur të përdoret me dorë, duke u dhënë pronarëve vendosjen e kohës, mbajtjen e listave të blerjeve dhe marrjen e raporteve për lajmet, motin dhe tema të tjera.
