Një 20-vjeçare shqiptare u masakrua dhe u hodh në rrugë dy ditë më parë në Itali. Sipas mediave italiane e reja Anxhela Meçani dyshohet se punonte prostitutë dhe pistat e hetimit të organeve italiane janë dy. E para është se 20 vjeçarja mund të jetë masakruar nga tutorët ose organizata kriminale për të cilën ajo punonte dhe pista e dytë është që Anxhela ka rënë në duart e ndonjë “klienti të gabuar”.
Anxhela Meçani dëri para tre vjetësh jetonte në periferi të Tiranës. Më pas ajo do të transferohej për në Itali, ku i fejuari i saj i kishte premtuar një punë si balerinë por si duket kjo ishtë një gënjeshtër të cilës i ra preh e reja, adoleshente në atë kohë.
Në një foto në profilin e saj Anxhela Meçani shkruante para dy vitesh se ishte e lumtur me mashkullin që kishte në krah, i cili dyshohet si i fejuari që i siguroi punën.
Jeta e Anxhelas do të ndërpritej në mënyrë barbare mbrëmjen e së dielës në Torino, qytet në të cilin kishte mbërritur vetëm pak muaj më parë.
Sipas mjekëve të spitalit ‘Kryqi i Shenjtë’ në Moncalieri, vajza ishte masakruar me shkelma dhe grushte.
Pastaj kur kishte rënë pa ndjenja atë e kishin hedhur në rrugë nga një makinë në ecje. Policia italiane ka nisur hetimet për të zbardhur këtë ngjarje të rëndë, ndërsa janë sekuestruar pamje të kamerave të shumta të sigurise në zonën ku u gjet trupi i pajetë por edhe në rruget që të çojnë në këtë aks.
Komuna e Moncalierit do të marrë përsipër funeralin e 20-vjeçares shqiptare Anxhela Meçani që u vra në mënyrë barbare në Itali nëse familjarët e saj nuk bëhen të gjallë.
AlpeNews.al
