Një dezertues i Forcave Ajrore të SHBA-së është gjetur në Kaliforni pasi u shpall i zhdukur 35 vite më parë.
Kapiteni William Howard Hughes Junior, i përfshirë në operacionet sekrete të shtetit, është parë për herë të fundit në vitin 1983 duke tërhequr rreth 28 mijë dollarë në 19 banka të ndryshme në Meksiko, ndërsa u mor në pyetje vetëm një muaj më parë duke zbuluar kështu identitetin e tij të vërtetë.
Për 35 vite me rradhë ai ishte prezantuar si Barry O’Beirne, ndërsa gjatë hetimeve u detyrua të pranonte se emri i tij i vërtetë është William Howard Hughes dhe ka qenë anëtar i Ushtrisë amerikane.
Ai deklaroi se nuk mund ta përballonte më presionin e të qenurit kapiten dhe kështu vendosi të largohej duke krijuar një identitet të rremë.
Në kohën kur u zhduk, ai sapo ishte kthyer nga Holanda, ku kishte punuar me zyrtarët e NATO-s, ndërkohë që për shkak të qasjes së tij në informacionin e klasifikuar ai u shpall i arratisur dhe ishte në një listë të shtatë individëve më të kërkuar të USAF.
