Ndotja vazhdon të jetë një problem i madh në vendin tonë dhe si duket ka pushtuar edhe natyrën e gjelbër.
Teksa ka kaluar më shumë se një muaj nga Festa e Parkut Kombëtar në Shebenik-Jabllanicë dhe mbajtjes së panairit pranë liqenit të Fushë-Studën, mbetjet nga eventi gjenden akoma aty.
Një pamje aspak e këndshme në mes të natyrës dhe një turp jo vetëm për ata që i kanë hedhur plehrat në natyrë, por edhe për organet lokale që nuk kanë angazhuar punonjësit e pastrimit dhe mirëmbajtjes.
Në kulmin e sezonit turistik, vizitorët e Parkut Kombëtar Shebenik-Jabllanicë përballen me pjata, gota dhe pirunj plastikë, paketime ushqimesh, qese, shishe dhe mbetje tjera inerte. E çuditshmja është që koshat janë bosh dhe toka plot plehra.
Një qytetar ka shkruar për JOQ.al:
Përshëndetje JOQ! Ja kultura jonë si popull, ndërkohë që të gjithë punonjësit e parkut më të madh kombëtar shqiptar Shebenik-Jabllanic nuk e merr askush insiativën që ta pastrojnë natyrën e zonës më të frekuentuar të këtij parku, dhe na hiqen si dashamirës të natyrës, por ata janë aty vetëm e vetëm për të marrë rrogat në fund të muajt…Faleminderit! Respekte!”
Video është postuar nga faqja lokale “Fushë-Studën”:
