Në Kore të Veriut, shtet ky ku lideri Kim Jong-un ka status pothuajse të barabartë me zotin, vënia në pikëpyetje e vendimeve, veprimeve dhe pretendimeve të tija është e paimagjinueshme për shumëkënd.
Banorët aty mësojnë qysh nga fëmijëria se ai është i gjithëdijshëm, ndërsa urdhërohen t’i raportojnë kundërshtarët, qofshin ata edhe anëtarë të familjes, shkruan BBC.
Me të folur haptas, tregtarja Sun Hui – që nuk është emri i saj i vërtetë – e di se po e vë jetën e saj në rrezik të madh.
“Kryesisht, njerëzit e kritikojnë Kim Jong-unin se është një afarist”, thotë ajo, duke e reflektuar pakënaqësinë e kudondodhur. “Njerëzit thonë se ai sillet njësoj sikurse ne, por i merr paratë tona”.“Vocërraku” e përdor kokën për t’i thithur paratë tona si vampir i vogël…”.
