“Panorama” publikoi pak ditë më parë lajmin se kreu i opozitës Lulzim Basha po mbahej në survejim nga segmente të Policisë Operacionale. Këtë lajm e ka komentuar sonte në emisionin “Opinion” vetë kreu i PD, i cili tha se shqetësues është fakti që kjo tregon se ku është katandisur ky shtet.
“Nuk mendoj se meriton një diskutim sonte, Një nga gazetat më kryesore në vend ka publikuar të premten lajmin, pas kësaj deputetet kanë marrë kontakt me drejtorët e policisë dhe i kanë bërë një paralajmërim të prerë. Mbrojtja e personaliteteve nuk bëhet nga policia por nga garda, ajo që është për tu shqetësuar nuk ka të bëjë me mua apo familjen time, por çdo minutë i harxhuar për këtë survejim është nga paratë e shqiptarëve. Shqetësues është fakti se ku ka degraduar ky shtet.”, u shpreh Basha
