Një incident tragjik ka ndodhur paraditen e sotme në lumin Kir të Postribës, ku një 19-vjeçar ka gjetur vdekjen në të pasi është hedhur nga Ura e Mesit.
Kjo ngjarje është njoftuar nga qytetarët e pranishëm, të cilët thanë se i riu ishte hedhur nga ura dhe nuk ka dalë më i gjallë nga uji.
Viktima është Marjan Marku, i cili dyshohet se ka pësuar atak kardiak sapo ka rënë në kontakt me ujin.
Qytetari shprehet:
Përshëndetje! Në orën 11:30 tek ura e mesit vdiq një 19-vjeçar nga Dobraci i Shkodrës. Ky kishte qenë me dy shokët e tij dhe ishte hedh nga ura, por nuk doli më i gjallë edhe noti si duket nuk e dinte mirë. Emrin më duket se e kishte Marian dhe nga uji e nxori një nxënës i shkollës “Adem Haxhia”.”
Nga fotot vihet re prania e policisë dhe bluzave të bardha, por fatkeqësisht shumë vonë, pasi 19-vjeçari ka ndërruar jetë.