Në Gjirin e Lalëzit për të pushuar, por fundjava e kësaj të shtune nuk ka shkuar ashtu siç e kishin planifikuar për shumë qytetarë nga Tirana.
Pak minuta më parë, të alarmuar ata raportojnë për mbytjen e një të riu, rreth 22-vjeç nga Peshkopia, i cili hyri të lahej në det por nuk mundi të dalë më i gjallë.
Ndonëse kanë dhënë alarmin e njoftuan policinë, dëshmitarët thonë për “BalkanWeb” se trupi i pajetë i të riut u nxor në breg nga dallgët, pasi askush nuk hyri për ta kërkuar.
Pak minuta pas raportimit të qytetarëve erdhi edhe njoftimi i policisë së Durrësit.
Njoftimi i Policisë:
“Më datë 02.06.2018, rreth orës 12:15, në Gjirin e Lalëzit, është mbytur në det shtetasi E. S. 22 vjeç, banues në Tiranë. Grupi hetimor po punon për zbardhjen e plotë të shkaqeve të ngjarjes”,- sqarohet në njoftim.
