Mbledhja e Komisionit të Integrimit ka degjeneruar në fyerje e përplasje mes ministrit Ditmir Bushati dhe deputetit demokrat Genc Pollo.
Përfaqësuesi i PD ka hedhur akuza në drejtim të ministrit pas arrestimit të Moisi Habilajt në Itali si kreu i një bande droge.
Pas replikave ministri ka braktisur mbledhjen.
Debati
Bushati: Ka 2-3 javë që nuk e përmendni fare kanabisin. Nuk e thoni dot një fjalë të mirë për policinë, madje edhe regjisorët e Hollywoodit do vinin të bënin skenar .
Pollo: Moisi Habilaj a do të ishte një protagonist i mundshëm?
Bushati: Për ndershmërinë je më pak i përshtatshëm.
Pollo: Fshehja e pisllëqeve nën qilim nuk i shërben ndershmërisë.
Bushati: Të respektojmë etikën dhe të respektojmë njëri-tjetrin.
Bushati për Thaçin: Presidenti i Kosovës përfaqëson një shtet sovran. Nuk është etike të komentoj unë. Ka folur presidenti Meta për këtë çështje. Zgjidhja më e mirë për të adresuar bllokimin e lëvizjes për shtetasit shqiptare të Kosovës është liberalizimi i vizave. Nuk jemi këtu mësuesi me nxënësin. Të mos luajmë me durimin e njeri-tjetrin. Nëse do tentoni t’i vendosni note përgjigjeve të mia do më mbarojë durimi dhe cinizmi dhe mund te përvëlojë mbi durimin.
Bushati-Pollos: Je këtu më pak i përshtatshëm për ndershmërinë.
Pollo: Fshehja e pisllëqeve nen qilim nuk i shërben ndershmërisë. Të respektojmë etiken e të respektojmë njeri-tjetrin. Ishit ju i pari që provokuat me sjellje prej rrugaçi .
Bushati: Më nderon shumë kur ma thua emrin dhe mbiemrin që kam. Nuk lejoj as ty, as Saliun tënd të më thonë mua rrugac. Unë nuk e vazhdoj këtë mbledhje pa kërkuar falje. Mua nuk më fyen dot. Kafen drekën dhe darkën di unë se me kë e ha. Mua këtu më trajton vetëm si ministër të Jashtëm. Për sa kohë nuk e ke kriterin elementar të edukatës nuk mund ta vazhdoj këtë seancë. Mos u ndje i provokuar nga ajo që unë thashë për Bregun, me të cilën unë kam pasur debate shumë të ashpra, por nuk e kemi kaluar kurrë cakun.
Genc Pollo: Në mënyrë të paprecendentë në ekspericën time parlamentare…ka mundësi të mbyllësh gojën dhe mikrofonin.
Ditmir Bushati: Kërko ndjesë të madhe për ndotjen që shkaktove.
Genc Pollo: Që të mos kemi nevojë për shërbimet e gardës.
Bushati: Kërko ndjesë për fjalorin prej bagabondi. Unë nuk kam fyer asnjë. Saliun kuq nuk e bën dot me mua. Fjalorin rrugaç unë nuk e pranoj sepse dua të mbroj dinjitetin tim dhe të shtetit shqiptar.
