Inspektorati Kombëtar i Mbrojtjes së Territorit (IKMT) ka kallëzuar në Prokurori kryetaren e Bashkisë së Sarandës, Floriana Koka. IKMT e akuzon kryebashkiaken e PS për ‘shpërdorim detyre’ dhe ‘falsifikim dokumentesh’.
Floriana Koka qëndron në krye të Bashkisë Sarandë prej vitit 2015 ku u mandatua për herë të parë.
Së bashku me Kokën, janë kallëzuar penalisht edhe ish-kryetari i Bashkisë Sarandë, Edmond Gjoka, dhe ish-shefi i Urbanistikës, Panajot Gunari.
Koka, Gjoka dhe Gunari akuzohen se kanë kryer veprën penale të “Shpërdorimit të detyrës” dhe “Falsifikimit të dokumenteve”. Zyrtarët janë përgjegjës për miratimin në kundërshtim me ligjin, të lejes së ndërtimit në favor të firmës “Daed” sh.p.k dhe zgjatjen e afatit të kësaj leje për objektin “Kompleks multifunksional” në zonën bregdetare, pranë Kanalit të Cukës.
Njoftimi i IKMT
Foriana Koka është kallëzuar për të njëjtën vepër penale edhe një vit më parë.
Demi prej 1 milionë dollarë qe i është shkaktuar shtetit ka bere qe KLSH te dërgoje për ndjekje penale kryetaren e bashkisë Sarandë, Floriana Koka, ish-drejtorin e shërbimeve publike dhe 3 anëtarë të komisionit të vlerësimit të ofertave. Në një deklaratë, KLSH bëri me dije se zyrtarët kanë kryer shkelje me tenderat, buxhetin, apo edhe me likuidimin e pagesave për punë të pakryera. Koka pagoi firmën vetëm 5 ditë pas lidhjes së kontratës në cilësinë e titullarit të autoritetit kontraktor. Sipas KLSH, kreu i bashkisë se Sarandës është përgjegjëse për pagesa dhe investime të pakryera, investimet e përmendura i takojnë 2 objekteve të prokurimit, “Zëvendësimi i tubacionit të ujësjellësit nga stacioni i pompimit deri në rezervuarin e qytetit” dhe “përmirësimi i rrjetit të ujërave të zeza, zona nga hotel Butrinti deri tek kanali i Çukës.
AlpeNews.al
