Mediat e Kosovës shkruajnë sot se Albert Veliu, i njohur në audio-përgjimin e publikuar si “Dëshmitari X” ka kërkuar azil në Kosovë.
Agjencia e lajmeve “Kosova Press” citon burime të saj në polici se tashmë Veliu ka dorëzuar kërkesën për azil në Departamentin për Shtetësi dhe Azil në Ministrinë e Punëve të Brendshme.
Ai u ndalua të dielën në qytezën e Shtimes bashkë me djalin e tij.
Arrestimin e konfirmoi edhe Policia e Kosovës.
Autoritet në Prishtinë kanë marrë në pyetje “Bashkëpunëtorin X” të PD, Albert Veliun 24 orë pasi ai kërkoi azil në Kosovë.
“Kam frikë për jetën. Nëse me ktheni në Shqipëri do të më vrasin”.Ky ka qenë deklarimi Albert Veliut që përbën edhe bazën e kërkesës për azil. Së bashku me të birin ai është duke u mbajtur në qendrën e azil kërkuesve.
Tv Klan tentoi të kontaktojë me policinë e Kosovës, por nuk mori asnjë përgjigje zyrtare për këtë çështje.
