Një nga zyrtarët më të lartë të regjimit të Kim Jong-Un planifikohet të udhëtojë në SHBA, pasi përgatitjet për një takim të mundshëm historik Trump –Kim Jong Un kanë filluar.
Agjencia koreano-jugore e lajmeve Yonhap tha se gjenerali Kim Yong-Chol do të mund të mbërrinte në SHBA të mërkurën, nëpërmjet Pekinit.
Nëse konfirmohet, vizita do të ishte pjesë e një stuhie të aktivitetit përpara takimit të propozuar midis liderit të Koresë Veriore Kim Jong-Un, dhe Presidentit të SHBA’ve, Donald Trump.
Takimi u hodh në dyshim pasi z. Trump u tërhoq javën e kaluar.
Por të dyja palët po punojnë për të mbajtur samitin , të planifikuar për në 12 qershor në Singapor.
Do të ishte hera e parë që një lider i Koresë së Veriut do të takonte ndonjëherë një president të SHBA’ve.
Gjenerali Kim është planifikuar të fluturojë në Nju Jork të mërkurën, pasi bisedoi me zyrtarët kinezë në Pekin, raportoi Yonhap, duke cituar burime diplomatike.
Ai do të ishte zyrtari më i lartë i Koresë së Veriut që do të vizitonte SHBA’në që nga viti 2000.
Në shkurt, ai u dërgua në ceremoninë e mbylljes së Olimpiadës Dimërore në Pyeongchang, ku ai u ul pranë vajzës së Trump, Ivanka Trump. dhe këshilltarit të tij.
Gjithashtu të martën, një ekip nga SHBA’të mund të takojnë zyrtarët e Koresë së Veriut në Singapor, thanë zyrtarët e SHBA.
Detajet e takimit potencial SHBA-Kore e Veriut mbeten të paqarta, por diskutimet do të adresonin programin bërthamor të Phenianit dhe mënyrat për të ulur tensionet në gadishullin Korean, shkruan BBC,
