Kryeredaktori i gazetës ‘Rilindja Demokratike’, Bledi Kasmi është shprehur se në protestën e të shtunës, organizuar nga opozita e bashkuar, ku dhe u dhunua nga unifromat blu, ka qenë si gazetar dhe jo si protestues.
Kasmi në studion e emisionit ‘Opinion’, tha se u gjend në një pozicion jo të duhur, ndërsa ishte duke realizuar disa fotografi për t’i postuar menjëherë në versionin online të gazetës së RD-së.
Kryeredaktori deklaroi se sulmi ndaj tij erdhi për shkak të detyrës, pasi ishte i vetmi që u sulmua. Në lidhje me shtyrjen e paretës metalike të gardhit rrethues, tha se nuk kishte rrugë tjetër, pasi duhej të shpëtonte se situata u vështirësua, duke nënkuptuar se nuk ishte pjesë e protestuesve, por pjesë e shtypit.
“Shkopi që më goditi nuk është i gomës, por është një shkop metalik hekuri. 10-15 cenitmetrat e para që i paska gome, ky shkop, pjesën e tjetër e ka prej hekuri. Ai është një shkop me hekur“,- tha Kasmi.
Ai tregoi edhe për momentin pas goditjes nga policia dhe si arriti të dalë nga grumbulli i madh i protestuesve që në ato çaste po përlesheshin me efektivët e policisë.
Kasmi tregoi se drejtori i policisë, Ardi Veliu ishte i vetmi që kontaktoi më të gjatë kohës që ishte i shtrirë në Spitalin Ushtarak. Më tej, deklaroi se do të kallëzojë penalisht efektivët e policisë, por ky veprim do merret edhe me konsulencën e avokatëve të tij./Opinion
