Një zyrtar i fuqishëm i FIFA-s nga Argjentina ka kërkuar të blejë votat që Katari të organizojë Kupën e Botës 2022.
Këtë e ka rrëfyer një dëshmitar kyç gjatë një gjyqi në Shtetet e Bashkuara.
Ish-drejtori i marketingut argjentinas me emrin Alejandro Burzaco është shprehur përpara jurisë se zyrtari, për shumë vite drejtori i komitet financiar, Julio Grondona ka pretenduar në disa biseda se atij i detyroheshin miliona euro në 2010 për votën e tij si një pjesëtar i komitetit ekzekutiv i FIFA-s që ka ndihmuar Katarin të merrte të drejtën e organizimit të turneut më prestigjioz të futbollit.
Në gjyqin që po zhvillohet në Brooklyn ka pasur akuza të shumta për sa i përket korrupsionit që ka ndodhur gjatë votimeve të Katarit.
Pas fitores së Katarit, që mundi pikërisht Shtetet e Bashkuara, akuza të pavërtetuara akoma janë bërë dhe pretendojnë se Katari ka paguar federatën argjentinase dhjetëra miliona euro.
Burzaco gjithashtu rrëfen edhe konfrontimet e ashpra pas kuintave midis zyrtarëve të federatës argjentinase dhe Katarit në takimet e FIFA-s në 2011 në Rio de Janeiro, në korrik të 2011, Rio organizoi programin e kualifikueseve për Kupën e Botës 2014 që u zhvillua në Brazil.
Burzaco është duke rrëfyer ndaj tre ish-drejtuesve të futbollit të Amerikës Jugore duke i akuzuar se kanë marrë miliona euro. Mbi 40 zyrtarë të tjerë janë të përfshirë në këtë skandal, dhe thuhet se shifra e paguar nga Katari kap 200 mln euro.
