Ndryshime në drejtorinë rajonale të OSHEE Shkodër. Largohet drejtori që ishte deri tani Ervin Sadiku. Në vend të tij drejtoria e përgjithshme e OSHEE ka emëruar Rezart Isufin. Ky i fundit nuk është një emër i panjohur në radhët e OSHEE Shkodër sepse ka qenë më përpara si kryeinxhinier, raporton ShkodraNews.Tashmë rikthehet sërish duke zëvendësuar Sadikun por si drejtor rajonal.
Në ditët në vijim priten edhe ndryshime të tjera në drejtoritë rajonale të Shkodrës në rang drejtorësh. Këto ndryshime vijnë me idenë për një performancë më të mirë pune por edhe të paralajmëruara nga kryeministri Rama. Shkodra Neës para pak ditësh paralajmëroi këto ndryshime që priten në drejtoritë e Shkodrës. Tashmë duhet pritur se kush do ta ketë radhën.
Zgjedhjet vendore po afrojnë dhe ndryshimet e drejtorëve vijnë për të patur edhe një paraqitje më të mirë përpara qytetarëve. për drejtoritë e mëdha ankesat janë të pafundme gjë e cila ndikon tek këto ndryshime.
