Policia e Beratit ka arrestuar në flagrancë dy shtetas Florin (Erlin) Shosha, 30 vjeç, banues në lagjen “30 Vjetori” në Berat dhe Artenis Lilaj, 21 vjeç, banues në lagjen “Çlirim”, Berat.
Arrestimi i tij u krye pasi në rrugën qytetëse, Axhensi-Kombinat në vendin e quajtur Shtëpia e Bardhë, duke drejtuar automjetin tip Opel u përplas me motoçikletën tip Niponia me drejtues shtetasin V.B, 29 vjeç, banues në fshatin Duhanas, Berat, i cili mori dëmtime të lehta.
Drejtuesi i automjetit u largua nga vendi i aksidentit dhe pas një kohe të shkurtër u kap nga shërbimet e policisë.
Arrestimi i Artenis Lilaj u krye pasi në vendin e quajtur Shtëpia e Bardhë, duke drejtuar automjetin tip Jaguari përplasi këmbësorin shtetasin A.M, 32 vjeç, banues në lagjen ”Çlirim”, Berat, i cili pasi mori ndihmën e parë në Spitalin Rajonal Berat u dërgua për në Spitalin e Traumës Tiranë.
Materialet i kaluan Prokurorisë së Rrethit Gjyqësor Berat për veprat penale, ”Shkelja e rregullave të qarkullimit rrugor” dhe “Largimi nga vëndi i aksidentit”, parashikuar nga nenet nenet 290 dhe 273 të Kodit Penal.
