Thërriten nga Prokuroria për të dëshmuar mbi audio-përgjimin e vëllait të ministrit të Brendshëm Fatmir Xhafaj me trafikantin, nuk paraqiten deputetët e Partisë Demokratike.
Sipas informacioneve mësohet se shkak për këtë është bërë seanca plenare që është sot.
Dy deputetët, Enkelejd Alibeaj dhe Ervin Salianji, si dhe këshilltari Gazmend Bardhi, për shkak të këtyre angazhimeve nuk kanë shkuar sot në Prokurori që të dëshmojnë.
Po ashtu mësohet se ata i kanë kërkuar prokurorisë një datë dhe një orë tjetër që të zhvillojnë seancën e pyetje përgjigjve dhe të japin dëshminë e tyre.
Deputetët do të dëshmojnë në lidhje me audio-përgjimin që sipas Kryeministrit Rama, ishte i montuar dhe aspak i vërtetë./AlpeNews.al
