“Ishte ora rreth 9 e darkës. Dola ta kërkoja çupën”. Këto janë fjalët e shkëputura që nëna e 13-vjeçares që u rrëmbye nga tre djem dhe u tentua të përdhunohej.
Ngjarja ndodhi mbrëmjen e kaluar në fshatin Vlosh të Roskovecit, ndërsa policia ka arrestuar pas ngjarjes 3 të rinj të akuzuar për rrëmbim dhe marrëdhënie seksuale me të mitur, e mbetur në tentativë.
“Ata që më bënë me njollë çupën të varen. Vajza do ikte të shikonte televizor tek xhaxhai. Vajzën e kanë kapur, e kanë marrë zvarrë. I pashë që dolën nga dritarja autorët. Matanë rrugës është kjo shtëpia e pa përfunduar ende dhe shkuam të dy. Vajzën e gjeta të lidhur me litar”, ka treguar mes lotësh nëna e 13-vjeçares, familja e të cilës është në kushte tepër të vështira ekonomike.
Policia vuri në pranga tre të rinjtë Redion Tereziu, 22 vjeç; Jorges Dosti, 24 vjeç; Marjus Çalameni, 24 vjeç, të tre banues në fshatin Arapa, Roskovec.
Sipas policisë dyshohet se në bashkëpunim me njëri-tjetrin tre të rinjtë kanë marrë forcërisht 13-vjeçaren, e kanë çuar në një banesë të pabanuar dhe kanë tentuar që të kryejnë marrëdhënie seksuale me dhunë por nuk kanë mundur.
Njeri prej tre të rinjve nga Roskoveci, Jorges Dosti, i arrestuari për rrëmbimin dhe tentativën për përdhunim të një vajze të mitur ka deklaruar në Polici se nga e njihte 13-vjeçaren.
Dosti ka deklaruar se e ëma e tij e merrte shpesh për ta ndihmuar atë fëmijë në punët e bujqësisë, për të mbjellë apo vaditur lulet tek shtëpia që ndërtohej dhe se veç kësaj, ata flisnin shpesh në Facebook.
Vajza u rrëmbye me forcë nga Dosti dhe dy shokët e tij dhe u dërgua me forcë, e lidhur, në një shtëpi të pabanuar ku kanë tentuar ta përdhunojnë, por pa mundur t’ia arrijnë qëllimit.
Të arrestuar për ngjarjen janë:
1.Redion Tereziu, 22 vjeç
2.Jorges Dosti, 24 vjeç
3.Marjus Çalameni, 24 vjeç, të tre banues në fshatin Vlosh, Roskovec.
Mbi ta rëndojnë dy akuza: “Heqje e paligjshme e lirisë” dhe “Marrëdhënie seksuale me të mitur” mbetur në tentativë.
