Një aksident ka ndodhur pak minuta më parë në aksin nacional Bulqizë-Peshkopi. Aksidenti ka ndodhur në vendin e quajtur Fushë-Bulqizë, ku një makinë ka përplasur një 16- vjeçare me emrin, Bleona Kica, e cila është në vitin e parë në gjimnazin e Fushë-Bulqizës.
Mësohet se e lënduara ka qenë me një kushëri duke dalë nga shkolla për të vajtur në shtëpi, por nxënësi tjetër ka pësuar vetëm lëndime të lehta.
Bleona Kica, mbasi ka marrë ndihmën e parë mjekësore në spitalin e Bulqizës, është nisur drejt Spitalit të Tiranës. Policia ka mbërritur në vendngjarje dhe po punon për hetimin e zbardhjen e aksidentit.
