Karabinierët italianë kanë arrestuar dy shtetas shqiptarë që ishin shpallur në kërkim prej vitesh dhe ndaj të cilëve kishte urdhër-arresti për krijim grupi të strukturuar kriminal me qëllim trafikimin e lëndëve narkotike.
Te arrestuarit jane te njohur per forcat blu shqipetare dhe italiane duke qene se aktiviteti i tij shtrihet ne te dy vendej prej vitesh.
Operacioni i kryer në Shqipëri, u mbyll në Itali pas një hetimi të koordinuara nga Prokuroria e Triestes, në bashkëpunim me Antidrogën, zyrën ndërlidhëse të policisë shqiptare në Bari dhe shërbimit të bashkëpunimit ndërkombëtar të policisë.
Dy shtetasit shqiptarë, ASTRIT KECI dhe Shkëlqim Sufja, u zunë në befasi në banesa të mbrojtura, që i përdornin për të fshehur praninë e tyre në Shqipëri ne Durres dhe Lezhe.
Grupi Keçi konsiderohet si një prej organizatave kryesore të trafikut ndërkombëtar të drogës.
Astrit Keci dyshohet se eshte drejtuesi i grupit “Keci” te Shijakut.
Dy personat mësohet se vazhdonin të garantonin efikasitetin e grupit duke promovuar dhe organizuar në profilin operativ dhe logjistik, trafikun e sasive të mëdha të heroinës dhe kokainës.
Sky News raporton se në vitin 2006 ata ishin strehuar në provincë të Triestes për t’iu shmangur kapjes pas një sër hetimesh të kryera më 1998 dhe në 2006 si dhe ndaj masave të nxjerra ndaj tyre nga autoritetet gjyqësore në Milano dhe Rimini.
Nga hetimet del se që të dy ishin figura kyçe të të ashtuquajturit “grupi Keçi”, që vepron në Shijak.
Droga, me prejardhje nga Ballkani, është dërguar në shtete të ndryshme evropiane përmes Italisë, ku përdoreshin kanalet e rajonit Friuli Venezia Giulia.
