Analisti Lorenc Vangjeli deklaroi këtë të mërkurë në “Opinion” se ndalimi i Agron Xhafajt, vëllait të ministrit të Brendshëm Fatmir Xhafaj në Itali është i vërtetë.
Vangjeli tha se një grup trafikantësh prej disa personave, mes tyre edhe shqiptarë, janë arrestuar në Itali për trafik të lëndëve narkotike. Ai tregoi se është ndaluar edhe i vëllai i ministrit Xhafaj, Agroni, i cili ka qendruar prej një periudhë 1 mujore në paraburgim në Itali, por që është liruar pa dalë në gjykatë.
Sipas tij, në të njëjtën kohë, me 20 mars të vitit 2002, Fatmir Xhafaj me detyrën e ministrit të Turizmit dhe Rregullimit të Territorit i ka paraqitur dorëheqjen kryeministrit të kohës, ka qenë një dorëheqje e mbajtur pezull nga kryeministri deri në momentin kur ai kërkoi shpjegime nga pala italiane në lidhje me çështjen në fjalë.
