Trajneri i kombëtares shqiptare, Kristian Panuçi, ka folur pas fitores së madhe të marrë në Antalia në miqësoren kundër Turqisë.
Tekniku i kuqezinjve është shfaqur mjaft i lumtur për këtë fitore, duke u shprehur se ekipi ka dhuruar një 90 minutësh spektakolar.
“Duhet të punojmë shumë në fazën mbrojtëse, pasi sot kemi pësuar dy gola që mund t’i evitoni. Gjithsesi edhe ata kanë futbollist cilësor.
Për sa i përket çështjes së kartonit të kuq, nuk lejoj asnjë futbollist që të ketë konfrontime në fushë me gjyqtarin, nëse ka pasur ofendime ndaj tij. Po punojmë për të përgatitur grupin e plotë për në ndeshjet e kualifikueseve të Europianit.
Nuk duhet të përqendrohemi vetëm te fitorja, por kemi bërë një super ndeshje. Kemi zhvilluar një ndeshje të madhe në pjesën e parë. Më pëlqen fryma që ka skuadra. Jam shumë i lumtur për mënyrën se si po preceptojnë djemtë mënyrën e lojës për të vazhduar me shumë cilësi me seriozitet. Nuk di se sa vite kishte Shqipëria që nuk fitonte ndaj Turqisë”, tha Panuçi
