Një krim që mund të kishte përfunduar me viktima është parandaluar sot në Vau Dejës nga Policia e Shkodrës.
Një person është kanosur me armë zjarri nga dy vëllezër, për motive që ende nuk janë zbardhur nga policia. Kjo e fundit ka vënë në pranga autorët e ngjarjes.
Ja njoftimi i Policisë Shkodër:
Informacion Paraprak
Me datë 09.05.2018, në orën 17:30, në Vau Dejës ka patur një konflikt, ku shtetasi N. N. , 72 vjeç, është kanosur me armë zjarri nga vëllezërit N. Gj. dhe T.Gj. banues Vau Dejës.
Menjëhere kanë shkuar shërbimet e policisë në vendngjarje dhe kanë bërë të mundur kapjen e personave dhe parandalimin e përshkallëzimit të konfliktit.
Po kryhen veprimet me grup hetimor dhe po punohet për sqarimin e rrethanave të ngjarjes.
