Ekstradohet në Shqipëri Izet Haxhia. Ish-bodigardi i Sali Berishës mbërriti nga Stambolli në Rinas me një avion të “Turkish Airlines” rreth orës 20:10 minuta. Pas mbërritjes në aeroport, ai u shoqërua nga Rinasi për në paraburgimin e 313 me eskortën me dy makina të blinduara të Drejtorisë së Burgjeve, ndërsa brenda 48 orëve ai do të dalë para gjykatës për t’u njohur me dënimin prej 25 vitesh, si bashkëpunëtor në vrasjen e Azem Hajdarit.
Fotoja e pare e Izet Haxhise pas mberritjes ne Rinas
Në momentin e mbërritjes në aeroport nuk ishte asnjëri nga familjarët e Izet Haxhisë, por as avokati i tij Fran Dashi. Mbërritja e tij në Shqipëri pritet që të shkaktojë ‘tërmet’ politik, pasi ka paralajmëruar se do të kërkojë rihapjen e dosjes së vrasjes së Azem Hajdarit, ndërsa ka lëshuar akuza të forta ndaj Sali Berishës.
