E pabesueshme ajo që ka ndodhur në cërrik. Hajdutët kanë mundur të hyjnë në farmaci e të vjedhin prej andej 3 kuti me ilaçe, por 300 m më larg pendohen dhe ia lënë sërish pronarit.
Denoncimi është bërë në polici nga shtetasi G.S, 61 vjeç, banues në Elbasan. Ai ka njoftuar Policinë se i është vjedhur farmacia që kishte me qira. Në vendngjarje ka shkuar grupi hetimor ku ka konstatuar se ishin marrë 3 kuti me ilaçe të ndryshme. Gjatë veprimeve të kryera nga Policia të trija kutitë me ilaçe janë gjetur rreth 300 m larg farmacisë dhe janë sekuestruar në cilësinë e provës materiale. Po nga veprimet e para hetimore rezulton se nga kutitë nuk është vjedhur asnjë ilaç si dhe në farmaci nuk është vjedhur asnjë send tjetër. Vijon puna për zbardhjen e rrethanave të ngjarjes dhe identifikimin e kapjen e autorit.
