Cilido shkaku, do të mbesin gjithnjë plagë që nuk do të gjejnë asnjëherë shërim me humbjen e fëmijëve të tyre të vetëm.
Flutura Açka, shkrimtare
Rasti më i fundit ishte ai i ditës së djeshme. Shkrimtarja e njohur Flutura Açka humb djalin e saj të vetëm në lule të rinisë, Jerin va nden Brink vetëm 18 vjeç, si pasojë e një sëmundje të rëndë.
Lajmin e kobshëm, shkrimtarja pati guximin ta japë vetë përmes një statusi në facebook.
Erenistina Halili, gazetare
Ndarja nga jeta e Ergi Dinit dhe Kejdi Halilit, si pasojë e një aksidenti tragjik me motor, bëri bujë në Shqipëri jo vetëm për rrethanat në të cilat ndodhi ngjarja e rëndë por edhe për shkak se dy të rinjtë nuk ishin të panjohur për publikun. 22-vjeçari Ergi Dini ishte një nga këngëtarët më premtues në vend ndërsa miku i tij, 21-vjeçari Kejdi Halili ishte bërë personazh për faktin se ishte djali i vetëm i gazetares së njohur, Erenestina Halili, e cila hapur e kishte shprehur dobësinë për të. Raportin e ngushtë me të birin, Erenestina e ka treguar edhe në media ku e konsideronte Kejdin si fëmijën më të mirë në botë.
Visar Zhiti, shkrimtar, diplomat
Një tjetër aksident i rëndë me pasojë vdekje shkaktoi një tronditje të madhe në opinion dy vite më parë. Në 2014-ën, 19-vjeçari Atjon Zhiti, djali i vetëm i poetit të njohur dhe ish-ministrit, Visar Zhiti humbi jetën në një aksident tragjik në Tiranë pak ditë pasi ai ishte kthyer nga Milano e Italisë.
Djaloshi 19-vjeçar ishte student në degën e Filozofisë që prej vitit 2013 në universitetin “Sacro Cuore” në Milano. Ai ishte djali i vetëm i Visar Zhitit, një ndër shkrimtarët e njohur që u persekutua
dhe u burgos nga diktatura komuniste.
Atjon Ziti sapo ishte kthyer nga Italia për pushimet e fundvitit dhe pasi kishte kaluar të premten në një ditëlindje, të shtunën në mëngjes me një shokun e tij, po lëviznin me një motor, kur tragjikisht u përfshinë në aksident pranë QTU në kilometrin e shtatë të rrugës TiranëDurrës. Atjon Zhiti nuk kishte vënë skafandër në kokë dhe për pasojë mori dëmtime të rënda, të cilat i morën jetën. Kjo tragjedi u përjetua nga i gjithë opinioni që iu gjet në krah me solidarizim dhimbjes që përjetoi familja Zhiti.
Alfred Moisiu, ish president i republikës së Shqipërisë
Në vitin 2004, ndodhi një tjetër aksident i rëndë në Tepelenë me pasojë ndarjen nga jeta të Admir Moisiut, djalit të vetëm të Presidentit të aso kohe, Alfred Moisiu. Trupi i 32-vjeçarit, u gjet nga polumbarët në vendin e quajtur “Shkëmbi i korbave”, rreth 300 metra poshtë vendit të aksidentit, në krahun tjetër të lumit Drino. Automjeti me tre persona që udhëtonin në të, doli nga rruga nacionale duke rënë në ujrat e lumit Drino nga një lartësi prej rreth 60 metra. Si pasojë humbën jetën dy persona, njëri prej të cilëve Admir Moisiu, djali i Presidentit të Republikës, me detyrë drejtor i Kontrollit Financiar në Prokurorinë e Përgjithshme.
Tinka Kurti, aktore
Pak muaj më parë aktorja e madhe Tinka Kurti pëson tragjedinë e madhe. Ajo humb djalin e saj të vetëm Zefin.
Në moshën 65-vjeçare, Zefi u nda nga jeta si pasojë e një ataku kardiak në Kanada ku jetonte prej vitesh.
Zija Çela, shkrimtar
Zija Çela, autor i shumë librave në prozë dhe një nga shkrimtarët më të vlerësuar shqiptarë ka humbur djalin e tij Dritanin, në moshën 36-vjeçare.
Ai mbylli sytë në mars të 2006-ës si shkak i një sëmundje të pashërueshme.
Sidrit Bejleri, këngëtar
Këngëtari i njohur shfaqet gjithnjë i qeshur dhe pavarësisht brengës më të madhe të jetës së tij, sërish nuk e ka braktisur pasionin për këngën.
Sidrit Bejleri 10 vjet më parë humbi fëmijët e tij të parë, një vajzë të cilën e kishin quajtur Sofi. Por, një sëmundje e rëndë i preu jetën vogëlushes dhe sot nuk jeton më. Ka qenë vetë Sidriti, ai i cili disa muaj më parë e ka kujtuar të voglën e tij, pas së cilës kanë ardhur në jetë edhe dy fëmijë të tjerë.
ApleNews.al
