Kanë dalë detaje të reja nga ngjarja e rëndë e mbrëmjes së shkuar në Tiranë.
Babai i 25-vjeçarit Brian Skrapari, që humbi jetën pasi u hodh nga ballkoni i katit të tretë, ndodhet në gjendje të rëndë shëndetësore në spital.
Ai ka marrë rreth 10 goditje me thikë nga i biri, u cili pas akti ekstrem kundër prindërve është hedhur nga ballkoni duke gjetur vdekjen disa orë më vonë në spital.
E plagosur është edhe nëna e viktimës, e goditur gjithashtu me thikë.
Paraprakisht thuhet se, në kompjuterin e 25 vjeçarit, Brian Skrapari është gjetur e hapur një faqe me “propagandë islamike”, duke shkaktuar sherr të madh në familje, pasi prindërit nuk ishin dakord me faktin, duke u përpjekur ta largonin atë nga bindjet e tij.
Ngjarja e rëndë ndodhi rreth orës 22:05 në rrugën “Pabli Naso” në kryeqytet.
Burime zyrtare nga policia thanë se i riu Brian Skrapari që humbi jetën sot në spitalin e Traumës, vuante nga problemet e shëndetit mendor.
Mësohet se, familja Skrapari kishte vetëm pak ditë që ishte transferuar në këtë pallat, ku kishte marrë një apartament me qira, ndërsa ende nuk kishin përfunduar rregullimet.
