Trupi i gjetur i shkrumbuar brenda një makine në Fushë-Krujë, mendohet se i përket një 57 vjeçari nga Kosova, Xhafer Osmani, nga fshati Pestovë i Vushtrrisë.
Policia e Kosovës ka deklaruar se familjarët e tij e kanë denoncuar se kishte humbur, ndërsa Osmani, rezulton se është futur në Shqipëri në 29 prill 2018.
Policia pohon se mbeten në pritje të rezultateve të ADN-së, për t’i ballafaquar me ato të familjes së tij.
Burime thonë se ngjarja është drejt zbardhjes së plotë, dhe paraprakisht dyshohet se viktima kishte një lidhje dashurie me një femër në Fushë-Krujë.
Avni Zahiti, zëdhënësi i policisë së Drejtorisë së Mitrovicës thotë se familjarët e Xhafer Osmanit kanë denoncuar si person të zhdukur 57-vjecarin. Ata kane thënë se kryefamiljari u kishte thënë se po shkonte në Shqipëri pasi kishte një punë.
“Nuk kemi mundur te lidhemi dot ne telefon me Xhaferin qe prej dy ditësh (te enjten)”, u shprehën familjarët. U nis që në datë 29 prill dhe na tha që do të kthehej më date 2. Por që prej datës 2 ne nuk kemi mundur të kntaktojmë dot më me të. Pritem se mos nuk kishte bateri në telefon dhe na merte vetë më vonë por su bë i gjallë”, janë shprehur familjarët.
