Të tjera detaje mësohen për ngjarjen e rëndë të ndodhur mesditen e sotme në fshatin Borizan të Fushë-Krujës, kur kalimtarë të rastit panë të digjet mes ferrave dhe kallamishteve një makinë, brenda së cilës policia gjeti kufomën e një mashkulli.
Automjeti në fjalë ka hyrë pesë ditë më parë nga pika e kalimit të Morinës në Kosovë drejt Shqipërisë dhe është i regjistruar në emër të shtetasit Xhavit Osmani nga Mitrovica. Ndonëse nuk dihen ende arsyet pse ka hyrë në Shqipëri, policia nuk ka mundur të identifikojë personin e shkrumbuar brenda makinës.
