Pas arrestimit të Arbër Çekajt në Gjermani dhe pas dorëheqjes të Saimir Tahirit, Kryeministri Edi Rama ka sulmuar opozitën.
Në një postim në rrjetet sociale, Rama thotë se opozita vazhdon të hedhë akuza pavarësisht operacionit të suksesshëm të policisë në bashkëpunim me partnerët ndërkombëtarë.
“Ç’është kjo opozitë pikë e vrer pas largimit të ST e arrestimit të kokave të trafikut të kokainës në Gjermani&Spanjë falë bashkëpunimit tonë ndërkombëtar? Sa gjynah më vjen për ata që ende u besojnë këtyre vulëhumburve pa atdhe. Po duan s’duan këta Shqipërinë do ta bëjmë”, shkruan Kryeministri Edi Rama në rrjetet sociale.
Postimi:
Sot në Gjermani u arrestua Arbër Çekaj, i cili ishte shpallur në kërkim ndërkombëtar nga autoritetet shqiptare për sasinë prej 613 kg kokainë të sekuestruar në muajin Shkurt në magazinat e tij në Maminas.
