Eurokomisioneri për zgjerim të BE-së, Johannes Hahn, ka theksuar se deklarata e tij për kontestin e emrit mund të zgjidhet për dy javë është kuptuar gabimisht.
“Ishte gabim, ka edhe regjistrim. Unë kam thënë se kam besim se për disa javë (a couple of weeks) mund të gjendet zgjidhje për çështjen e emrit, e jo për dy javë (two weeks). Kjo do të thotë se vlerësojë se në një të ardhme të afërt është e mundur zgjidhje për kontestin e emrit”, ka deklaruar Hahn, shkruan “zhurnal”.
Hahn ka konfirmuar se pas rekomandimit të Komisionit Evropian për fillimin e bisedimeve “me rëndësi tani është që të gjendet zgjidhje për çështjen e emerit”, që anëtarët e BE-së ta miratojn këtë rekomandim.
Përndryshe, më 24 prill mediat vendore dhe të rajonit publikuan lajmin se komisioneri për zgjerim Johannes Hahn ka deklaruar se kontesti mes Maqedonisë dhe Greqisë për emrin mund të zgjidhet në 15 ditët e ardhshme.
“Unë jam optimist se në dy javët e ardhshme do të kemi zgjidhje. Të paktën zgjidhja e cila do të hapte rrugën për fillimin e bisedimeve për anëtarësim me Maqedonine. Mendoj se të gjithë pajtohen se kjo do të jetë në të mirë të vendit, për shoqërinë dhe tërë rajonin e Ballkanit Perëndimor”, deklaroi Johannes Hahn, por ky i fundit ka kundërshtuar fuqishëm këtë lajm, duke thënë se kjo deklaratë është kuptuar gabimisht.
