Pasditen e sotme do të rikthehen reshjet e shiut në pjesën më të madhe të vendit. Paraditja e së premtes do të jetë me mot të kthjellët, ndërsa pasdite do të ketë reshje shiu. Reshjet do të jenë të dobëta, të shoqëruara edhe me shtrëngata në disa qarqe, sipas IGJEUM, (Instituti i Gjeoshkencave, Energjise, Ujit dhe Mjedisit)
Era sot pritet të fryjë e lehtë deri mesatare, ndërsa në bregdet e fortë, temperaturat do të jenë; në bregdet 14 / 22 °C, në vendet e ulëta 11 / 25 °C dhe në vendet malore 9 / 20 °C. Mot me vranësira do të mbizotërojë edhe në fundjavë, ndërsa në fillim të javës që vjen pritet që të rikthehet dielli.
