Plot 27 vite në stolin e Manchester United, duke koleksionuar trofetë njëri pas tjetrit, duke zbuluar një talent pas tjetrit.
Sir Alex Ferguson, skocez i datëlindjes 1941, është një nga trajnerët më fitues të historisë së futbollit.
Ka qenë i vlerësuar nga kolegët e tij dhe në 1999-ën ka marrë titullin “Sir” nga mbretëresha Elizabeta II.
Në 2012-ën është vlerësuar si trajneri më i mirë i shekullit të XXI-të nga IFFHS, raporton TeleSport. Domethënë, kur flitet për të, edhe tani që nuk është më pjesë e futbollit të luajtur, flitet për një hyjni të vërtetë.
Por urtësia dhe vendosmëria, shpesh, nuk ecin paralelisht me elegancën ose taktin.
Ferguson, në fakt, më shumë se një herë është treguar i pasjellshëm kundrejt kolegëve të tij dhe futbollistëve.
Këto janë 10 frazat e tij më të bujshme:
10. “Heinze është i pamëshirshëm. Do të merrte me shkelma edhe gjyshen e tij”
9. “Dennis Wise do të ishte në gjendje të shkaktonte një sherr edhe në një shtëpi pa njerëz”
8. “Më jepni 10 drunjë dhe Zinedine Zidanen dhe unë fitoj Champions League”
7. “Nuk ka asnjë marrëveshje mes nesh dhe Real Madrid për Cristiano Ronaldon. Mendoni se unë mund të negocioj me atë mafie? Absolutisht jo”
6. “Thotë se është i zgjuar, apo jo? Flet 5 gjuhë, por unë njoh një fëmijë 15 vjeç nga Bregu i Fildishtë që flet 5 gjuhë” (duke folur për Wenger)
5. “Beckham nuk ka krijuar asnjë problem deri në momentin që u martua”
4. “Mund të ndodhë të kesh komshinj të zhurmshëm, nuk mund të bësh asgjë: do të jenë gjithmonë të tillë. Duhet të vazhdosh përpara me jetën, duke ngritur volumin e televizorit (për Manchester City)
3. “Por të kishte qenë pak më i gjatë, do të kishte qenë mbrojtësi i krahut më i mirë i Britanisë së Madhe. Babai i tij ishte 188 cm? Unë do të kontrolloja shitësin e qumështit” (për Gary Neville)
2. “Pas ndeshjes më thërriste “boss” ose “big man”, por do të më ishte bërë më shumë qejfi nëse përshëndetjet e tij do të ishin shoqëruar me pak verë të mirë. Më ka sjellë vetëm uthull!” (për Mourinhon)
1. “Inzaghi ka lindur në pozicion jashtë loje!”
