Në konferencën e sotme për shtyp ish-ministri i Brendshëm, Saimir Tahiri ku dorëzoi mandatin reagoi edhe për lajmet e shpërndara ditëve të fundit: Tahiri pengesë për hapjen e negociatave për anëtraësimin e Shqipërisë në Bashkimin Europian.
Pjesë nga fjala e Tahirit:
Sado kam thënë që as dua e as më duhet të me mbrojë askush e asgjë, më kanë thënë se të gjitha këto bashkë më paskan shpëtuar nga arrestimi e burgu.
Tani dëgjoj që unë jam edhe pengesë për integrimin. Se 25 vjet mbushur me hajdutë në politikë, që veç lekëve, këtij populli i kanë vjedhur edhe të ardhmen e fëmijëve, integrimin po ua pengokam unë.
Nëqoftëse ka një gjë që e di si drita e diellit, është se që nga dita e parë e angazhimit tim e deri sot jam përpjekur e ia kam dalë me të paktën një gje: unë nuk kam qënë e nuk jam kurrë si këta.
As fshihem pas parlamentit, as rri në parlament për të marrë rrogën kot, as për ti bërë hije ndokujt, as për të kapur ndonjë tender a ca lekë, dhe aq më pak për të pasur paprekshmëri. Jo më të ketë ndonjë shans të vërtetë qe rrugën për në evropë ta pengoj unë.
Përgatiti: AlpeNews.al
