Një 24-vjeçar shqiptar ka mbetur i plagosur rëndë, pasi drejtonte mjetin në gjendje të dehur. Ngjarja në fjalë ndodhi në datën 29 prill në Rhein-Neckar të Gjermanisë. Automjeti i tij u përplas me mburojat anësore dhe me një shtyllë betoni dhe më pas ‘fluturoi’ për gati 100 metra, duke u ndalur tek një pemë.
‘Mrn-news.de’ shkruan se emigranti ilegal, identiteti i të cilit nuk dihet, ka përfunduar në telashe me policinë, pasi drejtonte mjetin pa lejen e pronarit dhe në gjendje të dehur.
Albinfo.ch shkruan se dëmi i përllogaritur nga aksidenti shkon në 28 mijë euro. Sakaq, duke mos pasur edhe një adresë banimi në Gjermani, ndaj shqiptarit është caktuar masa e paraburgimit.
