Tre makina janë përfshirë në një aksident paraditen e sotme në aksin Fushë Krujë- Tiranë, ndërsa dy persona kanë mbetur të plagosur, të cilët janë dërguar në spital. Aksidenti ka ndodhur në afërsi të fshatit Larushk, ndërsa makinat që janë aksidentuar janë një “Fiat Punto’ me targë AA698 IP, një kamionçinë me targë AA 952 FZ dhe një fuoristradë me targë TR 5853 A.
Vendi ku ka ndodhur aksidenti është një pikë e nxehtë ku vetëm në muajin prill kanë ndodhur 5 aksidente, njëri prej tyre para një jave ku humbi jetën një 18 vjeçar i cili po ecte në anë të rrugës kur u përplas. Nga një aksident ditën e djeshme humbën jetën tre persona në Kurbin.
