Ditën e sotme me rastin e ‘1 Majit’ Bashkia e Tiranës ka organizuar një koncert madhështor në sheshin ‘Skënderbej’, ku ka ftuar disa nga emrat më të suksesshëm të muzikës shqiptare për të përformuar.
Sipas një lajmërimi që ka bërë më parë Kryetari i Bashkisë Erion Veliaj në adresën e tij në Facebook, ditën e sotme në orën 19:00 do të mbahet një koncert për të gjithë shqiptarët ku do të përformojnë këngëtar si: Ledri Vula, Arilena Ara, Yll Limani, Alban Ramosaj, Filloreta Raçi, Argjentina Ramosaj dhe DJ Aldo.
Si në çdo koncert tjetër pritet që sheshi mbrëmjen e sotme të jetë i tejmbushur duke festuar të gjithë së bashku festën e punëtorëve.
