Pas lajmit se midhja e Butrintit është me salmonë dhe të gjithë konsumatorët janë të rrezikuar, ka ardhur një reagim zyrtar nga Ministri i Bujqësisë, Niko Pelshi.
Me anë të një postimi në Facebook, Peleshi shkruan se ky është një mashtrim kriminal dhe nuk ka asnjë të vërtetë.
“Nuk ka patur dhe nuk ka asnjë bllokim të tregtimit të midhjeve. Ka një detyrim të pazbatuar më parë (për këtë ish-ministri duhet të japë llogari) që midhjet duhet të pajisen me certifikatë veterinare duke kaluar nga qendra e depurimit në Butrint. Ne thjesht po e disiplinojmë këtë përmes AKU duke i bërë midhjet më të sigurta për konsumatorët. Nuk duam të gjobisim restorantet për një rregull që nuk është zbatuar, jo për fajin e subjekteve, për vite me rradhë. Ndaj AKU është në një proces sensibilizimi. Ne e quajmë arrogancë edhe ushtrimin e të drejtës ligjore të sanksioneve për shkelje që vetë institucionet i kane lejuar duke i kthyer në normë”, shkruan ndër të tjera Pelshi në Facebook.
Postimi i plotë
PËR NJË MASHTRIM KRIMINAL
Të mashtrosh për cështje që lidhen me jetën është kriminale.
Kur je edhe profesionist i fushës është dyfish kriminale.
Ish-ministri që duhet të skuqet që nuk bëri asgjë për të cbllokuar eksportet shqiptare të molusqeve (ndonese i quan më të mirat e Mesdheut), sot përhap një mashtrim lidhur me gjoja ndalimin e tregtimit të midhjeve.
E VËRTETA ËSHTË KREJT NDRYSHE:
Analizat e midhjeve bëhen cdo 2 javë. Kur ka ndotje aktivizohet alerti. Kalimi nga qendra e depurimit i bën midhjet të sigurta për konsum.
Salmonela në midhje është sajesë e ulët.
Nuk ka patur dhe nuk ka asnjë bllokim të tregtimit të midhjeve.
Ka një detyrim të pazbatuar më parë (për këtë ish-ministri duhet të japë llogari) që midhjet duhet të pajisen me certifikatë veterinare duke kaluar nga qendra e depurimit në Butrint. Ne thjesht po e disiplinojmë këtë përmes AKU duke i bërë midhjet më të sigurta për konsumatorët. Nuk duam të gjobisim restorantet për një rregull që nuk është zbatuar, jo për fajin e subjekteve, për vite me rradhë. Ndaj AKU është në një proces sensibilizimi. Ne e quajmë arrogancë edhe ushtrimin e të drejtës ligjore të sanksioneve për shkelje që vetë institucionet i kane lejuar duke i kthyer në normë.
I kam kërkuar Komisionerit të Sigurisë Ushqimore në Bruksel, lejimin e eksportit të molusqeve (bllokuar prej 25 vitesh), por për këtë duhet të bëjmë edhe ne detyrat tona. Në qoftë se audituesit e komisionit vijnë e shohin që midhjet tregtohen pa certifikatë veterinare, nuk e lejojnë eksportin edhe për 25 vjet.
Z.Panariti këtë e quan bllokim të tregtimit të midhjeve më të mira në Mesdhe.
Në rastin më të mirë, profesori ka ngelur në klasë gjatë 4 viteve në ministri.
Në rastin më të keq, mashtron me vetëdije.
