Një mjet i cili është i pedagogut Arben Haxhihyseni në Universitetin e Elbasanit është djegur gjatë natës qëllimisht. Ngjarja sipas bluve të qytetit rajonal ndodhi rreth orës 00:30 në lagjen “Qemal Stafa”.
Mjeti tip ‘Benz’ është djegur pjesërisht dhe ishte parkuar në rrugicën përpara banesës së pedagogut të Universitetit “Aleksandër Xhuvani”.
Haxhiymeri është njëkohesisht edhe bashkëshorti i Dekanes së Fakultetit të Shkencave Sociale. “BalkanWeb” raporton se kjo është makina e dytë qe i digjet në pak muaj, për arsye ende të panjohura.
Hera e parë ishte në gusht të vitit 2017 kur makinës së tij iu vu flaka nga persona të paidentifikuar përpara shtëpisë. Gjithashtu, ai është kërcënuar se nëse blinte automjet tjetër sërish do t’ia digjnin, raporton “reporttv”.
Njoftimi policisë
Më datë 29.04.2018, rreth orës 00:30, në lagjen “Qemal Stafa” Elbasan , ka rënë zjarr në mjetin tip “Benz” me targë AA 484FG, në pronësi të shtetasit A H, 62 vjeç.
Mjeti ishte i parkuar në rrugicë para banesës së tij, ku si pasojë e zjarrit mjeti është djegur pjesërisht, pasi zjarrfiksja dhe policia kanë mbritur në kohë në vendngjarje.
Grupi hetimor po punon për zbardhjen e rrethanave të ngjarjes, identifikimin dhe kapjen e autorit, ku paraprakisht dyshohet zjarrvenie e qëllimshme.
