Pritet të zhvillohet seanca nesër për masën e dënimit për autorët e grabitjes në minimarketin e Kamzës që la për vdekje pronarin e minimarketit dhe të plagosur bashkëshorten e tij.
Prokuroria kërkon arrest me burg për dy autorët e ngjarjes. Seanca do të zhvillohet në Gjykatën Penale në Tiranë.
Prokuroria ka dëshminë e dy autiorëve që e pranuan veprën penale, gjithashtu makinën dhe rrobat që autorët kishin veshur në momentin që kryen grabitjen.
Policia ka vazhduar edhe gjatë ditës së sotme në lumin e Tiranës kërkimin për armën e krimit, të cilët autorët thanë që e kishin hedhur në lumë.
Darkën e 25 prillit, 2 persona të armatosur hynë në minimarketin e viktimës Agim Buçi, në rrugën “OSBE” në Kamëz, ku mbeti i vdekur pronari i marketit dhe mbeti e plagosur gruaja e tij.
E gjithë skena e grabitjes u pa nga djali i tyre 6 vjeçar.
