Dy ditë pas ngjarjes së rëndë ku burri vrau gruan disa detaje të reja janë mësuar rreth asaj ngjarje. Ditën e djeshme sipas burimeve spitalore trupi i viktimës Suzana Shemuni është marrë nga familjarët e saj. Ka qenë njëra nga vajzat e Suzanës e cila ka ardhur për të marrë trupin e pajetë të nënës.
Vajza e Suzanës ndodhej në Itali kur ka mësuar lajmin tragjik për ndarjen nga jeta të nënës në mënyrë makabre.
Urgjentisht ka marrë avionin dhe ka ardhur në Shqipëri për të marrë në morgun e spitalit të Shkodrës trupin e viktimës.
Vajza e Suzanës është shfaqur e tronditur nga ngjarja e rëndë.
Ajo është shokuar kur ka parë masakrën që bashkëshorti i saj ka bërë.
Fillimisht vajza ka parë nga afër dëmtimet e rënda në koka dhe shembjen e gjysmës së kokës nga goditjet e forta me çekiç.
Pas procedurave vajza është larguar bashkë me trupin e pajetë të Suzana Shemunit e cila mbeti e vdekur pasi u qëllua nga bashkëshorti i saj Bashkim Teli.
